Lameiro

Pois grazas pola información, se non me comentas nada pola miña parte pasaba desapercibida. En primeiro o único que fixen foi corrixir un erro que atopei no artigo, pero o teu aviso motivoume a buscar fontes, e non as atopei, nin no TILG, nin en Google (coa sentencia ''piallo carro''), nin no Diccionario de Diccionarios (onde, por certo, descubrín que as formas ''pinall-'' son propias da provincia de Ourense). Por outro lado, no Galizionario non temos recollido ''pinallo'', o que me fai pensar que puido haber algún tipo de confusión, polo que tomo a decisión de mover ''[[piallo]]'' a ''[[pinallo]]''.<br>Na miña zona chámaselle ''[[pialla]]'' (no volG ''[[pealla]]'' [[Conversa:pealla|*]]) á correa que une dúas ''[[cangalla]]s'' por baixo do colo do animal, mentres que a ''[[trenla]]'' une as dúas [[cangalla]]s interiores pola parte de riba do [[xugo]].<br>Hai tempo pretendín revisar as denominacións das partes do carro recolleitas e por recoller no Galizionario, pero abandonei pronto o proxecto porque atopei outros traballos máis urxentes.<br>

Grazas por estar tan atento. [[User:Furagaitas|Furagaitas]][[User talk:Furagaitas|*]] 20:01, 26 outubro 2008 (UTC)