etioloxía: Diferenzas entre revisións

#Estudo das orixes dalgún síntoma ou circunstancia: así existe unha etioloxía [[medicina|médica]] que busca as causas da enfermidade, o lugar do contaxio, o medio ou o transmisor para poder realizar unha [[diagnose]] ou [[diagnóstico]], un tratamento [[epidemioloxía|epidemiolóxico]] ou un estudo [[sintomatoloxía|sintomático]].

#Hai tamén unha etioloxía [[mitoloxía|mitolóxica]] que recrea as causas de que o mundo estea construído tal como está: por que a [[bubela]] ten a aparencia dun guerreiro con copete, e o bico coma unha lanza; por que a flor do narciso se comba cara abaixo; ou por que as plantas dos canavais botan ruído cando zoa o vento. Isto é a expresión dunha relación profunda do ser humano co que o rodea e un resto do pensamento [[animismo|animista]] dos primeiros tempos: a imaxinación inventa un relato para explicar a forma do mundo que o rodea. No mundo tradicional galego tamén existe unha [[cosmogonía]] de argumentación etiolóxica.