aínda

Galego

• Etimoloxía: do galego-portugués aynda, de a- + inda. (Etimoloxía discutida).

Adverbio

1. Indica que a acción ou o estado expresados polo verbo se seguen mantendo ou realizando no momento en que se fala ou do que se fala.
   • Exemplo: Aínda está a durmir. Daquela aínda traballaba, agora xa se retirou. Mañá aínda estás a tempo de ires
     
     .
2. Serve para exaltar o valor dunha calidade, nunha comparación.
   • Exemplo: O rapaz aínda é máis alto do que pensaba. Se segue isto así, aínda imos acabar peor
     
     .
3. Serve para indicar con énfase que se inclúe na afirmación aquilo que se cita, ás veces como elemento que culmina unha serie.
   • Exemplo: Dixo aínda outra cousa
     
     .
4. Polo menos, sequera.
   • Exemplo: Se aínda tivese traballo, podería criar os fillos
     
     .
5. Utilízase para dar máis énfase a un enunciado.
   • Exemplo: Aínda es ben atrevido. Aínda morra se non é certo!
     
     

Observacións

• Para todas as acepcións, o seu sinónimo é inda.
• Para a 2ª acepción, seus sinónimos son incluso e mesmo.
• Para a 3ª acepción, seus sinónimos son inclusive e incluso.