Galego

Vexa na Galipedia o artigo acerca de «solla».

solla (sg: solla; pl: sollas)

(Zooloxía, Alimentación) Peixe teleósteo da orde dos pleuronectiformes, suborde dos pleuronectoideos, familia dos pleuronéctidos e subfamilia do pleuronectinos, pertencente ao xénero Pleuronectes, que vive nas cotas do Atlántico, sobre fondos areosos ou lamacentos, ás veces de grava, desde o mar de Barents até o Mediterráneo occidental (golfo de León), así como nas de Islandia e do sur de Groenlandia. Como todos os peixes da familia dos pleuronéctidos, ten o corpo aplanado, asimétrico, e os dous ollos situados no mesmo lado, na cara pigmentada.
- Sinónimos: solla de altura.
- Nome científico: Pleuronectes platessa.
(Zooloxía, Alimentación) Peixe teleósteo da orde dos pleuronectiformes, suborde dos pleuronectoideos, familia dos pleuronéctidos e subfamilia do pleuronectinos, pertencente ao xénero Platichthys. Vive nas costas do Atlántico, sobre fondos areosos ou fangosos, ás veces de grava, desde o mar de Barents até noroeste de África e no Mediterráneo, até o mar Negro. Como todos os peixes da familia dos pleuronéctidos, ten o corpo aplanado, asimétrico, e os dous ollos situados no mesmo lado, na cara pigmentada.
- Sinónimos: platuxa das pedras.
- Nome científico: Platichthys flesus.

Pleuronectes platessa

Platichthys flesus

solla