areeiro

Galego

• Etimoloxía: de area.

• Pronuncia: /aɾeˈejɾo̝/ (AFI)

Adxectivo

areeiro (ms: areeiro; mpl: areeiros; fs: areeira; fpl: areeiras)

1. Relativo á area.

Substantivo masculino

areeiro (sg: areeiro; pl: areeiros)

1. Persoa que traballa ou comercia con area.
2. Depósito de area dalgúns tranvías ou locomotoras.
3. Extensión de terreo chea de area.
   • Sinónimos: areal.
4. (Ictioloxía) Peixe plano semellante ó linguado, do que se diferencia por ser máis pequeno e presentar unha mancha clara na aleta pectoral. Máis coñecido como acedía. De nome cientifico Solea lascaris.
   • Sinónimos: acedía, lirpa, linguado bravo.
5. (Ictioloxía) Peixe actinopeterixio mariño, da familia dos ammodítidos. De nome cientifico Ammodytes tobianus, de corpo alongado e fino, demersal.
6. (Zooloxía) Crustáceo malacostráceo da orde dos decápodos, familia dos crangónidos, que se encontra nas costas do Atlántico oriental, habitualmente nadando sobre as areas das praias. De nome cientifico Crangon crangon.
   • Sinónimos: camarón de area, esquía.

Traducións

• Nome científico: (4) Solea lascaris.
• Asturiano: (4) llinguáu ^(ast), (4) llinguáu sabliegu ^(ast).
• Castelán: arenero ^(es), (4) lenguado de arena ^(es).