Galego

liña (sg: liña; pl: liñas)

Trazo longo e fino. Fíxolle un retrato con catro liñas.
Ringleira de cousas semellantes colocadas unha detrás doutra. Plantou só unha ducia de liñas de millo.
Grupo de palabras escritas horizontalmente. Na segunda liña hai un erro ortográfico.
(Matemáticas) Conxunto de puntos infinitamente próximos nunha dirección.
(Mariña) Aparello de pesca feito dun só fío, ao cal se lle empatan un ou varios anzois, chumbadas e outros obxectos, como xiratorios e que se empregan na pesca de peixes e cefalópodos. Rompeu a liña e o peixe zafouse.
Servizo de transporte colectivo. As liñas aéreas non soportarán a suba do petróleo.
Servizo de comunicacións. Instalou unha liña ADSL.
Parentesco, relación familiar. A hemofilia hérdase por liña materna.
Posicións do exército. As liñas inimigas resistiron durante case un mes.
Aspecto físico, especialmente no sentido de delgadez ou gordura. Fai moito exercicio para mante-la liña.
En sentido figurado, orientación que segue unha persoa ou colectivo. Como sigas nesa liña voute expulsar da clase.

En liña: colocado ordenadamente, un tras outro. Póñanse en liña para poder entrar.
Garda-la liña: manterse con bo aspecto físico.
Ler entre liñas: sospeitar que o significado dun texto vai máis aló do que se le directamente.
Liña lateral: aliñación de escamas especiais na pel dos peixes que os percorre a ámbolos lados do corpo. Ten función sensitiva.
coche de liña
en liñas xerais
liña aérea
liña de flotación
liña de subscrición dixital asimétrica (ADSL)
liña do tempo
liña eléctrica
liña férrea
liña obsidional
liña telefónica
primeira liña
xuíz de liña

liña