aleta torácica

Galego

Locución substantiva feminina

aleta torácica

1. (Ictioloxía) Cada unha das dúas aletas situadas inmediatamente detrás da cabeza dos peixes, que se corresponden coas extremidades anteriores dos vertebrados terrestres e interveñen na locomoción lenta, nos xiros e no freado. Nos tiburóns insírense oblicuamente, nas raias están soldadas á cabeza e forman os lados do corpo, e nos peixes óseos están inseridas verticalmente.
   • Sinónimos: aleta pectoral, ala pectoral, ala torácica.
2. (Zooloxía) Cada unha das dúas aletas situadas na parte anterior do corpo dos vertebrados tetrápodos adaptados á vida acuática, que son resultado da adaptación das extremidades anteriores á natación.
   • Sinónimos: aleta pectoral, ala pectoral, ala torácica.