herdar

Galego

• Etimoloxía: do galego-portugués herdar, e este do latín hērēditāre.

• Pronuncia: /eɾ.'ðaɾ/ (AFI)

Verbo transitivo

herdar

1. (Dereito) Recibir algo á morte do seu posuidor por disposición testamentaria ou legal.
   • Exemplo: Herdei cinco leiras do meu avó.
     
     
2. (Dereito) Suceder, por disposición testamentaria ou legal, a alguén na posesión dos bens e accións que tiña ao tempo da súa morte.
   • Exemplo: Á miña morte herdaránme meus fillos.
     
     
3. (Figurado) Recibir de alguén algo que xa usaran con anterioridade outras persoas.
   • Exemplo: Son o menor de oito irmáns, e herdei moitos pantalóns usados.
     
     
4. (Historia) Recibir determinadas circunstancias ou condicións sociais ou culturais dos predecesores.
   • Exemplo: Moitas cousas e costumes herdámolas dos antigos romanos.
     
     
5. (Xenética) Recibir, os descendentes, os caracteres biolóxicos dos proxenitores.
   • Exemplo: Segundo os xenes que herdamos somos homes ou mulleres.