segregar

Galego

• Etimoloxía: do latín segregāre.

• Pronuncia: /se.ɡɾe.ˈɡaɾ/ (AFI)

Verbo transitivo

segregar

1. Separar ou apartar a alguén dun grupo do que formaba parte, ou a algo doutra ou outras cousas.
   • Exemplo: A Directiva decidiu segregalo da organización.
     
     
2. Separar e marxinar a unha persoa ou a un grupo de persoas por motivos raciais, sociais, políticos ou culturais.
   • Exemplo: Nos Estados Unidos, pese aos avances nos últimos anos, aínda hai xente que segrega aos negros.
     
     
3. (Fisioloxía) Expulsar unha glándula ou un órgano unha substancia producida por estes.
   • Exemplo: As glándulas endócrinas verten directamente ao sangue os produtos que segregan.
     
     

Termos relacionados

segregábel, segregable, segregación, segregacionismo, segregacionista

Verbo pronominal

segregarse

1. Illarse, afastarse.
   • Exemplo: Unha facción do partido segregouse no IV congreso
     
     .

Antónimos

unificarse