vea

Galego

En azul, as principais veas do corpo humano

• Etimoloxía: do latín vena(m), "vea"

• Pronuncia: /ˈbea̝/ (AFI)

Substantivo feminino

vea (sg: vea; pl: veas)

1. (Anatomía) Vaso sanguíneo polo que circula o sangue desde os diferentes órganos e tecidos do organismo ó corazón.
   • Exemplo: A principal vea do corpo humano é a cava.
     
     
2. Por extensión, calquera vaso sanguíneo, inclusive as arterias.
3. (Botánica) Vaso polo que circula o zume, na folla dunha planta.
   • Sinónimos: nervio.
4. Depósito de auga subterráneo.
5. Depósito subterráneo dun mineral
   • Exemplo: A autopista obrigará a expropia-la vea máis rica de cuarzo.
     
     
   • Sinónimos: filón, veta.
6. Liña de forma irregular e de cor diferente ó resto, que posúen algunhas pedras, coma o mármore.
   • Sinónimos: veta.
7. (Figurado) Inspiración.
   • Exemplo: Nunca destacara pola súa vea poética.
     
     
   • Sinónimos: inspiración.

Termos relacionados

• vea do leite, corda do leite
• non ter sangue nas veas
• venoso
• arteria
• circulación de retorno

Traducións

• Castelán: vena ^(es).
• Francés: veine ^(fr).
• Inglés: vein ^(en)
• Portugués: veia ^(pt)