vivir

• Etimoloxía: do latín vivĕre.

Verbo intransitivo

1. Ter vida, estar ou seguir vivo.
   • Exemplo: O médico dixo que papá está grave, pero vivirá
2. (Figurado) Ter existencia.
   • Exemplo: Os sapoconchos viven moitos anos.
3. Ter a residencia nun lugar ou compartila con alguén.
   • Exemplo: Vive con dous amigos.
4. Pasar a vida.
   • Exemplo: Vive coma un cura.
5. Dedicar a vida a un fin.
   • Exemplo: Só vive para o teatro.
6. Obter os medios materiais que permiten a subsistencia.
   • Exemplo: Vive da caridade. Está sen traballo, non ten de que vivir.
7. Gozar da vida.
   • Exemplo: Ten moitos cartos pero non sabe vivir.

Verbo transitivo

1. Dedicar a vida enteiramente a certa cousa.
   • Exemplo: Só vive para o fútbol.
2. Experimentar persoalmente unha determinada cousa.
   • Exemplo: Vive horas de pesar.
3. Participar nun suceso ou estar presente cando ocorre.
   • Exemplo: Meus pais viviron a guerra civil.

Sinónimos

existir