agulla

Galego

• Pronuncia: /aˈɣuʎa̝/ (AFI)

Substantivo feminino

agulla (sg: agulla; pl: agullas)

1. Ferramenta puntiaguda que se emprega para coser, bordar ou tecer e que, agás as de facer punto, posúe un ollo por onde se pasa o fío.
2. (Medicina) Barriña puntiaguda e oca, cortada a bisel, empregada normalmente cunha xeringa para inxectar substancias no corpo (Agulla hipodérmica).
3. Puga de metal que se move sobre un plano.
   • Exemplo: Os reloxos teñen xeralmente tres agullas, mentres que os compases só unha.
     
     
   • Sinónimos: punteiro.
4. (Arquitectura) Chapitel estreito e alto con forma de punta.
5. (Arquitectura) Cada unha das dúas pezas verticais (formada á sua vez por unha ou máis pezas) que delimitan lateralmente o van dunha porta ou ventá e sosteñen o lintel ou o arco que as pecha superiormente.
   • Sinónimos: macheta, pé dereito, tranqueiro, ucheira, xamba.
6. Parte do lombo dos animais, próxima á cabeza, onde se xuntan os membros anteriores co espiñazo.
7. (Alimentación) Por extensión, peza de carne que se extrae da rexión anterior e da musculatura dorsolateral do pescozo.
   • Exemplo: A carne de agulla é pouca e sabe ben, mais non é para quen fillos ten.
     
     
8. (Ictioloxía, alimentación) Peixe da familia dos belónidos, de corpo longo e estreito e coas mandíbulas moi afiadas.
   • Nome científico: Belone belone.
9. Raíl móbil que permite o cambio de vía dun tren ou panca e aparello que produce tal cambio.
10. Punzón que provoca a detonación do fulminante ó bater na parte posterior do cartucho.
11. (Mariña) Aparato destinado a rexistrar a dirección da quilla dun barco.
12. (Topografía) Pequenos elementos auxiliares utilizados para marcar transitoriamente no terreo puntos que forman parte dunha medición maior.

Traducións

• Asturiano: (8) chínfanu ^(ast), aguya ^(ast).
• Castelán: aguja ^(es).
• Francés: aiguille ^(fr).
• Inglés: (3) hand ^(en) (dun reloxo).
• Portugués: agulha ^(pt).