mucoso

• Etimoloxía: do latín muccōsus, -a, -um.

• Pronuncia: /mu.'ko.so̯/ (AFI)

Adxectivo

mucoso (ms: mucoso; mpl: mucosos; fs: mucosa; fpl: mucosas)

1. Que é semellante ao moco.
   • Exemplo: Na ferida saíu unha secreción mucosa
     
     .
2. Que ten mucosidade ou a produce.
   • Exemplo: Glándula mucosa. Estruturas mucosas
     
     .

Substantivo feminino

Mucosa gástrica

mucosa (sg: mucosa; pl: mucosas)

1. (Anatomía) e (Zooloxía) Tipo de tecido epitelial que recobre varias cavidades do corpo do home e dos vertebrados que rodea os órganos internos; consta dunha ou máis capas de células epiteliais que cobren unha capa de tecido conectivo laxo, e continúase coa pel en varias aberturas do corpo, como as dos ollos, os oídos, o nariz, a boca, a abertura da uretra e o ano.

Termos relacionados

• mucosa bronquial
• mucosa do esófago
• mucosa do útero (ou endometrio)
• mucosa gástrica
• mucosa intestinal
• mucosa nasal
• mucosa olfactoria
• mucosa oral
• mucosa prepucial
• mucosa vaxinal