proxectar

Galego

• Etimoloxía: do latín proiectāre, intensivo de proiicĕre, 'lanzar'.

• Pronuncia: /pɾo.ʃɛk.ˈtaɾ/ (AFI)

Verbo transitivo

proxectar

1. Lanzar, dirixir cara a diante ou a distancia algo.
   • Exemplo: Unha máquina proxectaba os discos aos que os tiradores debían disparar.
     
     
2. Reproducir sobre unha pantalla, por medio dun proxector, unha imaxe óptica ampliada de diapositivas, filmes, etc.
   • Exemplo: Esta tarde imos proxectar ante a familia as diapositivas que fixemos na viaxe a Roma.
     
     
3. Facer un proxecto de arquitectura ou enxeñaría.
   • Exemplo: Os arquitectos proxectan edificios. O enxeñeiro de camiños proxectou a nova ponte.
     
     
4. Ter intención de facer algo e pensar en todo o necesario para a súa execución.
   • Exemplo: Había semanas que proxectaba a viaxe.
     
     
5. (Psicoloxía) Atribuír alguén sentimentos, intencións ou estados de ánimo propios a outra persoa.
   • Exemplo: O esposo proxectaba as tensións na súa muller.
     
     
6. (Xeometría) Trazar liñas rectas desde todos os puntos dun sólido ou outra figura, segundo determinadas regras, para obter a súa representación nunha superficie.
   • Exemplo: Proxectaremos a esfera terráquea sobre un folio.
     
     

Observacións

• Na 1ª acepción son sinónimos despedir, disparar e lanzar.
• Na 4ª acepción son sinónimos planear e idear.

Verbo pronominal

proxectarse

1. Facerse visíbel sobre un corpo ou unha superficie a figura ou a sombra doutro.
   • Exemplo: A sombra das torres proxectábase na praza
     
     .