xeración espontánea
Galego
Etimoloxía: de xeración e espontánea.
Locución substantiva
xeración espontánea
- (Bioloxía) Teoría obsoleta que supoñía que os seres vivos considerados inferiores nacían espontaneamente da materia orgánica en descomposición, ou ben da materia mineral cando esta se atopa en determinadas condicións, mentres que o home e os seres vivos superiores foran creados directamente por Deus. Para "demostrar" esta teoría, os seus defensores baseábanse na (incorrecta) observación diaria: os vermes nacían na terra, na lama ou na carne en putrefacción; as moscas tamén na carne en descomposición; os ratos no lixo, etc.