Galego

Vexa na Galipedia o artigo acerca de «terra».

O planeta Terra visto desde o espazo.

Etimoloxía: do latín Terra, -ae, "a Terra".

Pronuncia: /ˈtɛ.rɐ/l (AFI)

Escoitar: «terra»
(Ficheiro ─ axuda)

Substantivo feminino

terra (sg: terra; pl: terras)

(Astronomía) Planeta do sistema solar que xira sobre si mesmo e ao arredor da súa estrela, o Sol, na terceira órbita máis interna, no que habitan os homes e os demais seres vivos; é o máis denso e o quinto maior dos oito planetas do sistema, e tamén o máis grande dos terrestres ou telúricos.
- Exemplo: A Lúa é un satélite da Terra.
- Sinónimos: mundo.
- Observacións: con este significado, escríbese con maiúscula.
Superficie deste planeta non cuberta polo mar.
- Exemplo: Viaxes por mar e por terra.
- Sinónimos: terra emerxida.
Capa máis superficial da codia terrestre, formada pola acción dos axentes ambientais (abióticos e bióticos) sobre as rochas, formada por un conxunto de partículas minerais e orgánicas, que constitúen o solo.
- Sinónimos: solo.
- Exemplo: Esta terra é moi fértil.
- Exemplo: Os nenos emporcáronse por estaren xogando con terra.
- Exemplo: Ten moita riqueza en terras.
Lugar de orixe, país, comarca ou nación onde nace unha persoa ou co que ten unha forte relación.
- Exemplo: Volveu á terra despois de moitos anos.
- Exemplo: Lémbrase da súa terra con nostalxia.
(Xeografía) Espazo xeográfico ou político delimitado e con características xeográficas ou culturais similares.
- Exemplo: Esta ponte iremos coñecer a Terra Chá.
- Sinónimos: bisbarra, comarca, país.
(Física) Punto de referencia, nun circuíto eléctrico ou electrónico, cun potencial elétrico de 0 volts.
- Sinónimos: masa.
- Exemplo: Para protexer o aparello deberías usar un conector con toma de terra.