abrasar

Galego

• Etimoloxía: da contracción da preposición «a» e «brasa».

• Pronuncia: /a.bɾa.ˈsaɾ/ (AFI)

Verbo intransitivo

1. Quentar demasiado.
   • Exemplo: Esta calor abrasa.
     
     
2. Ir moita calor [nun lugar].
   • Exemplo: Como abrasa aquí, como podes levar posta unha sudadeira?
     
     

Verbo pronominal

1. Sentir un demasiada calor.
   • Exemplo: Cando fixen a mili abraseime a modo no deserto.
     
     
2. Queimarse completamente, quedando reducido a brasa.
   • Exemplo: No incendio, os piñeiros abrasáronse de contado.
     
     
3. Murchar [unha planta ou parte dela] pola excesiva calor ou o frío intenso.
   • Exemplo: Aquel verán tan caloroso o millo abrasouse e perdemos as colleitas.
     
     

Verbo transitivo

abrasar

1. Queimar [algo] completamente, quedando reducido a brasa.
   • Exemplo: O incendio abrasou todo o piñeiral.
     
     
2. Murchar a excesiva calor ou o frío intenso [unha planta ou parte dela].
   • Exemplo: Co frío destes días case todas as flores das maceiras quedaron abrasadas.
     
     
3. Quentar demasiado.
   • Exemplo: Gustáballe abrasar o seu corpo na sauna.
     
     
4. Producir unha sensación de dor ardente, especialmente a calor, a sede ou a febre.
   • Exemplo: O pobre rapaz estaba abrasado coa febre.
     
     

Conxugación

Verbo regular da 1ª conxugación    

Formas impersoais

Infinitivo	abrasar
Xerundio	abrasando
Participio	abrasado, abrasada, abrasados, abrasadas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	abraso	abrasas	abrasa	abrasamos	abrasades	abrasan
	Copretérito	abrasaba	abrasabas	abrasaba	abrasabamos	abrasabades	abrasaban
	Pretérito	abrasei	abrasaches	abrasou	abrasamos	abrasastes	abrasaron
	Antepretérito	abrasara	abrasaras	abrasara	abrasaramos	abrasarades	abrasaran
	Futuro	abrasarei	abrasarás	abrasará	abrasaremos	abrasaredes	abrasarán
	Pospretérito	abrasaría	abrasarías	abrasaría	abrasariamos	abrasariades	abrasarían
Modo Subxuntivo	Presente	abrase	abrases	abrase	abrasemos	abrasedes	abrasen
	Pretérito	abrasase	abrasases	abrasase	abrasásemos	abrasásedes	abrasasen
	Futuro	abrasar	abrasares	abrasar	abrasarmos	abrasardes	abrasaren
Modo Imperativo	Afirmativo		abrasa	abrase1	abrasemos	abrasade	abrasen1
	Negativo		abrases	abrase1	abrasemos	abrasedes	abrasen1
Infinitivo conxugado		abrasar	abrasares	abrasar	abrasarmos	abrasardes	abrasaren

1 Vostede(s)