cadrar

Galego

• Etimoloxía: do galego-portugués quadrar, e este do latín quadrāre.

• Pronuncia: /ka.ˈðɾaɾ/ (AFI)

Verbo intransitivo

cadrar

1. Vir ben algo para o que se está a facer, ou para o que se quere, conformarse unha cousa con outra.
   • Exemplo: Cadrounos moi ben que se adiase a reunión, porque tiñamos outro compromiso. Penso que a este cuarto lle cadraban mellor outos mobles.
     
     
2. Corresponderse unha cousa de xeito adecuado con outra.
   • Exemplo: Eu e ti temos dúas versións que non cadran.
     
     
3. Darse a circunstancia ou a oportunidade que se expresa.
   • Exemplo: Se che cadra de pasares por alí, dálle o recado
     
     .
4. Coincidir un día do mes cun determinado día da semana.
   • Exemplo: Hai que fastidiarse, o primeiro de maio cadra en domingo
     
     .
5. Coincidir algo cunha data determinada.
   • Exemplo: Este ano o Entroido cadra en febreiro
     
     .
6. Estar algo nun lugar determinado.
   • Exemplo: A escola cádrame lonxe da casa
     
     .

Observacións

• Na 1ª acepción seus sinónimos son coincidir e ir.
• Na 2ª e na 3ª acepcións seu sinónimo é coincidir.
• Na 4ª e na 5ª acepcións seu sinónimo é caer.

Verbo transitivo

cadrar

1. Dar forma cadrada a unha cousa.
   • Exemplo: O carpinteiro cadrou ben a esquina do moble
     
     .
2. (Economía) Coincidir nunha conta as cantidades do debe e do haber.
   • Exemplo: Costoume moito traballo cadrar as contas da empresa.
     
     

Verbo pronominal

cadrarse

1. (Exército) Adoptar un militar a posición de firmes.
   • Exemplo: Os soldados cadráronse cando chegou o oficial
     
     .

Traducións

• Castelán: cuadrar ^(es).
• Portugués: quadrar ^(pt).

Conxugación

Verbo regular da 1ª conxugación    

Formas impersoais

Infinitivo	cadrar
Xerundio	cadrando
Participio	cadrado, cadrada, cadrados, cadradas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	cadro	cadras	cadra	cadramos	cadrades	cadran
	Copretérito	cadraba	cadrabas	cadraba	cadrabamos	cadrabades	cadraban
	Pretérito	cadrei	cadraches	cadrou	cadramos	cadrastes	cadraron
	Antepretérito	cadrara	cadraras	cadrara	cadraramos	cadrarades	cadraran
	Futuro	cadrarei	cadrarás	cadrará	cadraremos	cadraredes	cadrarán
	Pospretérito	cadraría	cadrarías	cadraría	cadrariamos	cadrariades	cadrarían
Modo Subxuntivo	Presente	cadre	cadres	cadre	cadremos	cadredes	cadren
	Pretérito	cadrase	cadrases	cadrase	cadrásemos	cadrásedes	cadrasen
	Futuro	cadrar	cadrares	cadrar	cadrarmos	cadrardes	cadraren
Modo Imperativo	Afirmativo		cadra	cadre1	cadremos	cadrade	cadren1
	Negativo		cadres	cadre1	cadremos	cadredes	cadren1
Infinitivo conxugado		cadrar	cadrares	cadrar	cadrarmos	cadrardes	cadraren

1 Vostede(s)