dominio

Galego

• Etimoloxía: do latín dominium, e este derivado de domĭnus, 'amo', 'dono'.

• Pronuncia: /ˈdo̞.mi.nio̞/ (AFI)

Substantivo masculino

dominio (sg: dominio; pl: dominios)

1. Acción de dominar.
   • Exemplo: Rebeláronse contra o dominio dos señores feudais. O cacique exercía un dominio ilexítimo na vila e arredores
     
     .
2. Capacidade para dominar.
   • Exemplo: Exerce un dominio claro sobre os amigos. A empresa tardou pouco tempo en facerse co dominio do sector
     
     .
3. Territorio sometido ao poder dun estado ou dunha persoa.
   • Exemplo: O termo Dominio usábase especialmente para designar os territorios do antigo Imperio británico que gozaban de autonomía plena, como o Canadá ou Nova Zelandia. Este home posúe vastos dominios nesa zona.
     
     
4. Poder que alguén ten de usar e dispoñer do seu.
   • Exemplo: O vello exercía o dominio das súas terras, e non deixaba facer nada aos netos.
     
     
5. Territorio onde se fala unha lingua ou un dialecto
   • Exemplo: O dominio lingüístico leonés
     
     .
6. Coñecemento profundo dunha cousa ou grande habilidade para manexar unha cousa.
   • Exemplo: Dominio do inglés. Dominio do volante
     
     .
7. (Figurado) Todo aquilo que comprende unha actividade, arte, ciencia, etc.
   • Exemplo: O dominio da química. O dominio da psicoloxía
     
     .
8. (Bioloxía) Taxon superior da clasificación biolóxica, por riba do nivel de reino.
   • Exemplo: Os tres dominios que se coñecen son Arquea, Bacteria e Eucaria.
     
     
9. (Dereito) Facultade para dispoñer dunha cousa.
   • Exemplo: Dominio directo
     
     .
10. (Informática) Rede de identificación na que se agrupan webs ou outros recursos en liña organizados por tipo de entidade, adscrición territorial, ámbito de actividade ou identidade cultural, así como a extensión que se lle pon aos nomes dos enderezos desta rede.
    • Exemplo: Dominios de primeiro nivel
      
      .
11. (Informática) Nome que se lle dá a cada unha destas redes de Internet.
    • Exemplo: O dominio galego é o .gal.
      
      

Observacións

• Na 1ª acepción son sinónimos autoridade, dominación e poder.
• Na 2ª acepción son sinónimos influencia e control.
• Na 7ª acepción son sinónimos ámbito, área, campo, eido e terreo.
• Para a 8ª acepción ver máis información na Galipedia.