Galego

Vexa na Galipedia o artigo acerca de «parede».

parede
(sg: parede; pl: paredes)

(Arquitectura) Obra de cantaría ou albanelería levantada verticalmente e feita de pedra, ladrillo ou outro material, que serve para formar o exterior dun edificio ou dividilo, ou ben para delimitar un espazo.
- Exemplo: Fixo unha parede para cercar o seu souto.
Cara ou superficie lateral dun corpo.
- Exemplo: A parede do depósito aparecía enferruxada.
Corte vertical, ou case, na cara dunha montaña.
- Exemplo: Aqueles alpinistas novatos non foron quen de superar a parede e tiveron que dar a volta.
(Anatomía) Estrutura que pecha ou limita unha cavidade ou un órgano.
- Exemplo: A parede abdominal.
(Deportes) No fútbol, xogada entre dous compañeiros do mesmo equipo, que consiste en que un, co fin de eludir a un contrario, pasa o balón ao outro, que lla devolve inmediatamente uns metros máis adiante.
- Exemplo: Facer a parede.
(Figurado) Conxunto de persoas ou cousas fortemente unidas.
- Exemplo: Os manifestantes formaban unha parede humana e a policía tivo que traballar arreo para dispersalos.