parede

Galego

• Etimoloxía: do latín paries, -etis.

• Pronuncia: /paˈɾeðe̝/ (AFI)

Substantivo feminino

parede (sg: parede; pl: paredes)

1. (Arquitectura) Obra de cantaría ou albanelería levantada verticalmente e feita de pedra, ladrillo ou outro material, que serve para formar o exterior dun edificio ou dividilo, ou ben para delimitar un espazo.
   • Exemplo: Fixo unha parede para cercar o seu souto.
     
     
   • Sinónimos: muro.
   • Exemplo: No interior, todas as paredes estaban pintadas de branco.
     
     
   • Sinónimos: tabique.
2. Cara ou superficie lateral dun corpo.
   • Exemplo: A parede do depósito aparecía enferruxada.
     
     
3. Corte vertical, ou case, na cara dunha montaña.
   • Exemplo: Aqueles alpinistas novatos non foron quen de superar a parede e tiveron que dar a volta.
     
     
4. (Anatomía) Estrutura que pecha ou limita unha cavidade ou un órgano.
   • Exemplo: A parede abdominal.
     
     
5. (Figurado) Conxunto de persoas ou cousas fortemente unidas.
   • Exemplo: Os manifestantes formaban unha parede humana e a policía tivo que traballar arreo para dispersalos.
     
     

Termos relacionados

• Parede abdominal, parede celular.

Traducións

• Alemán: Wand ^(de)
• Castelán: pared ^(es)
• Catalán: paret ^(ca)
• Francés: paroi ^(fr), mur ^(fr)
• Inglés: wall ^(en)
• Italiano: parete ^(it)
• Portugués: parede ^(pt)
• Vasco: pareta ^(eu)

Portugués

• Etimoloxía: do latín paries, -etis.

Substantivo feminino

parede (sg: parede; pl: paredes)

1. (Arquitectura) Parede.
2. (Anatomía) Parede.

Termos relacionados

• paredão