pechar

Galego

• Pronuncia: [peˈt͡ʃaɾ] (AFI)

Verbo transitivo

pechar

1. Mover [a peza coa que se cubre unha abertura] para que a cubra.
   • Exemplo: Pecha a porta, que co aire pode pechar soa dun golpe.
     
     
   • Exemplo: Pecharon as fiestras para que non entrase a choiva.
     
     
   • Exemplo: Non pechei ben a tampa da botella, e ao inclinala abriu e caeu a auga ao chan.
     
     
   • Sinónimos: fechar.
   • Antónimos: abrir, desfechar, despechar.
2. Meter [algo ou a alguén] nun recinto e botar o pecho.
   • Exemplo: Pechou o gato na balcón como castigo por estragar os mobles.
     
     
   • Sinónimos: encerrar, fechar, recluír.
   • Antónimos: ceibar, liberar, soltar.
3. Facer cesar a actividade de [algo].
   • Exemplo: O informe dos inspectores aconsellaba pechar a empresa.
     
     
   • Sinónimos: fechar.

Verbo intransitivo

pechar

1. Cesar [unha empresa ou un centro de traballo] a súa actividade.
   • Exemplo: A fábrica pechou porque a empresa trasladou a produción a outros países.
     
     
   • Sinónimos: fechar.
2. Cesar [o dono dunha empresa] a actividade desa empresa.
   • Exemplo: O dono da empresa pechou pola pronunciada baixada da demanda.
     
     
   • Sinónimos: fechar.
3. Axustarse [unha peza] completamente á abertura que debe cubrir.
   • Exemplo: A tampa do cubo do lixo non pecha ben e deixa saír o fedor, habería que cambiala.
     
     
   • Sinónimos: fechar, cerrar.
4. Volverse [o ceo] máis escuro.
   • Exemplo: Cando o ceo pecha dá paso ás estrelas.
     
     
   • Sinónimos: fechar, cerrar.
   • Antónimos: abrir.
5. Volverse o ceo máis escuro durante [o día ou un momento do día].
   • Exemplo: Volve a casa antes de que peche o día, que as rúas non son seguras pola noite.
     
     
   • Sinónimos: fechar, cerrar.
   • Antónimos: abrir.

Verbo pronominal

pecharse

1. Meterse nun recinto e botar o pecho.
   • Exemplo: O cativo pechouse no cuarto e non sabía saír.
     
     
   • Sinónimos: encerrarse, fecharse, recluírse.
2. Encerrarse voluntariamente nun recinto como forma de protesta.
   • Exemplo: Os activistas pecháronse na central nuclear para reclamar o seu peche definitivo.
     
     
   • Sinónimos: fecharse.
3. Permanecer nun lugar para illarse.
   • Exemplo: Pechouse no seu dormitorio porque estaba anoxada cos pais.
     
     
   • Sinónimos: fecharse.

Traducións

• Alemán: schließen ^(de)
• Francés: fermer ^(fr)

Conxugación

Verbo regular da 1ª conxugación    

Formas impersoais

Infinitivo	pechar
Xerundio	pechando
Participio	pechado, pechada, pechados, pechadas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	pecho	pechas	pecha	pechamos	pechades	pechan
	Copretérito	pechaba	pechabas	pechaba	pechabamos	pechabades	pechaban
	Pretérito	pechei	pechaches	pechou	pechamos	pechastes	pecharon
	Antepretérito	pechara	pecharas	pechara	pecharamos	pecharades	pecharan
	Futuro	pecharei	pecharás	pechará	pecharemos	pecharedes	pecharán
	Pospretérito	pecharía	pecharías	pecharía	pechariamos	pechariades	pecharían
Modo Subxuntivo	Presente	peche	peches	peche	pechemos	pechedes	pechen
	Pretérito	pechase	pechases	pechase	pechásemos	pechásedes	pechasen
	Futuro	pechar	pechares	pechar	pecharmos	pechardes	pecharen
Modo Imperativo	Afirmativo		pecha	peche1	pechemos	pechade	pechen1
	Negativo		peches	peche1	pechemos	pechedes	pechen1
Infinitivo conxugado		pechar	pechares	pechar	pecharmos	pechardes	pecharen

1 Vostede(s)

Castelán

Entrada incompleta Esta páxina está marcada para ser completada. Pode axudar no Galizionario completándoa.

Verbo

pechar

1. Cerrar.