saír

Galego

• Etimoloxía: do galego-portugués sair, do latín salīre, de saliō.

• Pronuncia: /saˈiɾ/ (AFI)

Verbo intransitivo

saír

1. Ir de dentro a fóra dun lugar.
   • Exemplo: Os nenos saen da escola ás dúas e media, e eu saio do traballo ás tres, non teño xeito de recollelos.
     
     
   • Antónimos: entrar.
   • Termos relacionados: irse, marchar, partir.
2. Deixar a casa por un tempo para entreterse fóra dela.
3. Poñerlle fin a un estado ou situación no que se está.
   • Observacións: o obxecto vai predecido da preposición «de».
4. Manter [dúas ou máis persoas] unha relación amorosa.
   • Exemplo: Empezaron a saír na universidade, e xa levan once anos xuntos, e contando.
     
     
   • Termos relacionados: andar.
5. Ter parecido con alguén de quen se descende.
   • Observacións: o obxecto vai precedido da preposición «a».
   • Termos relacionados: asemellarse, parecerse, semellarse.
6. Facer algo inesperadamente.
   • Observacións: o obxecto vai precedido da preposición «con».
7. Ser publicado.
8. Aparecer [nun documento, medio de comunicación ou obra].
9. Resultar de [unha maneira].
   • Exemplo: Estou aprendendo a cociñar sobremesas, o tiramisú sáeme xenial.
     
     
10. Ter o resultado ou solución correcta.
    • Exemplo: Non me saen as contas, como pode ser que só nos queden tres euros no bote para café?
      
      
11. Ser [algo] atopado en [un lugar].
    • Observacións: o obxecto vai precedido da preposición «de».
    • Exemplo: De momento non sabemos de onde saíron os documentos que incriminan ao alcalde nos delitos de fraude e malversación de fondos públicos, a súa procedencia non se fixo pública.
      
      
12. Estar [alguén] en [un lugar] antes de aparecer.
    • Exemplo: E ti de onde saes? Levo toda a tarde buscándote!
      
      
13. Ser elixido por unha cuestión de azar ou unha votación.
14. Ir dar [un camiño ou rúa] a ]outra].
    • Observacións: o obxecto vai precedido da preposición «a».
15. Resultar nun prezo determinado.
    • Observacións: o obxecto vai precedido da preposición «a».
    • Termos relacionados: custar, quedarse, valer.
16. Alcanzar a alguén en [un punto] seguindo un camiño diferente.
    • Observacións: o obxecto vai precedido da preposición «a».
17. Desaparecer [unha mancha] ao lavala.
    • Sinónimos: irse, quitarse, sacarse.
18. Presentarse [unha oportunidade].
    • Exemplo: Se me sae traballo aquí ben, pero vou buscar tamén no estranxeiro, que a cousa está moi mal.
      
      

Traducións

• Alemán: abfahren ^(de)
• Francés: sortir ^(fr).

Conxugación

Verbo semirregular da 3ª conxugación    

Formas impersoais

Infinitivo	saír
Xerundio	saíndo
Participio	saído, saída, saídos, saídas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	saio	saes	sae	saímos	saídes	saen
	Copretérito	saía	saías	saía	saïamos	saïades	saían
	Pretérito	saín	saíches	saíu	saímos	saístes	saíron
	Antepretérito	saíra	saíras	saíra	sairamos	sairades	saíran
	Futuro	sairei	sairás	sairá	sairemos	sairedes	sairán
	Pospretérito	sairía	sairías	sairía	sairiamos	sairiades	sairían
Modo Subxuntivo	Presente	saia	saias	saia	saiamos	saiades	saian
	Pretérito	saíse	saíses	saíse	saísemos	saísedes	saísen
	Futuro	saír	saíres	saír	saírmos	saírdes	saíren
Modo Imperativo	Afirmativo		sae	saia1		saíde	saian1
	Negativo		saias	saia1		saiades	saian1
Infinitivo conxugado		saír	saíres	saír	saírmos	saírdes	saíren

1 Vostede(s)