casca

Galego

• Etimoloxía: de cascar.

• Pronuncia: /ˈkaska/ (AFI)

Substantivo feminino

casca (sg: casca; pl: cascas)

1. Envoltura ou codia, máis ou menos dura e coriácea, de certos froitos (abelás, améndoas, castañas, noces, etc.).
   • Exemplo: Estas noces teñen unha casca durísima.
2. Cuberta exterior das árbores.
   • Exemplo: A casca do piñeiro é de cor castaña.
   • Sinónimos: carapela, codia, cortiza, tona.
3. Cuberta exterior dos ovos das aves.
   • Exemplo: A casca protexe os ovos do desecamento.
4. Pel que cobre a pataca e algúns froitos (mazás, peras, laranxas), plátanos, etc.
   • Exemplo: Esvarei nunha casca de plátano.
   • Sinónimos: capela, monda, para, pel, pela, pelica, plana, tona.
5. Vaíña do legume, ou froito das leguminosas (fabas, chícharos, garavanzos, lentellas, etc.), que encerra as sementes.
   • Sinónimos: casula, casulla, caxiga, cornecha, cornella, cornello.
6. Exoesqueleto ou caparazón dos crustáceos.
   • Termos relacionados: cacho.
7. Cuncha dalgúns moluscos.
8. Pel dun animal.
   • Exemplo: Este peixe ten a casca dura.

Termos relacionados

• casca maimiña
• casca mainiña
• non saír da casca
• ter a casca no cu