dixital

Galego

• Etimoloxía: do latín digitalis, derivado de digitus, -i, «dedo».

• Pronuncia: /diʃiˈtal/ (AFI)

dixital¹

Adxectivo

dixital (sg: dixital; pl: dixitais)

1. Pertencente ou relativo aos dedos.
   • Exemplo: Impresión dixital. Arteria dixital.
     
     
2. Por extensión, que ten forma semellante a un dedo.
   • Exemplo: Formación dixital
     
     .
3. Que presenta o resultado dunha medida con números díxitos. Aplícase aos aparellos e instrumentos.
   • Exemplo: Reloxo dixital.
     
     

dixital²

Substantivo feminino

dixital (sg: dixital; pl: dixitais)

1. (Botánica) Planta herbácea da familia das escrofulariáceas, Digitalis purpurea Linné, bienal, de 60 a 150 cm de altura, cunha roseta basal da que xorde o caule; follas ovatolanceoladas, as da roseta basal pecioladas e as do caule co pecíolo cada vez máis curto segundo van ascendendo, até chegar a seren sésiles; flores cigomorfas, en forma de dedal, de 4 a 5 cm de lonxitude e cor purpúrea con manchas máis escuras no interior, reunidas en acios unilaterais, e froito en cápsula. É propia das rexións atlánticas de Europa e o norte de África, onde medra en terreos silíceos. Contén diversos alcaloides, como a dixitalina, utilizándose en medicina popular como tónico cardíaco.
   • Sinónimos: abeluria, abrula, baloca, baloco, baloco negro, borleta, chopo, chopo negro, croque, dedal, dedaleira, dixital purpúrea, estalo, estalote, estraloque, folla de sapo, herba da cobra, herba de san Xoán, herba dos troques, milicroque, sanxoán, troque.

• 
• 
• 
• 

Dixital ou dixital purpúrea Digitalis purpurea L.

Termos relacionados

• dixital amarela
• dixital de flores grandes
• dixital laúda
• dixital negra

Traducións

• Alemán: Roter Fingerhut ^(de)
• Castelán: dedalera ^(es), digital ^(es), cartucho ^(es), calzas de zorra ^(es), chupamieles ^(es), guante de Nuestra Señora ^(es), San Juan ^(es), guantelete ^(es), viluria ^(es)
• Catalán: digital ^(ca), dedalera ^(ca)
• Francés: digitale pourpre ^(fr)
• Inglés: common foxglove ^(en), purple foxglove ^(en), Lady's foxglove ^(en)
• Italiano: digitale purpurea ^(it)
• Portugués: digital ^(pt), dedaleira ^(pt)