número

Grafías semellantes:     numero

Galego

• Etimoloxía: do latín numerus, -is.

• Pronuncia: [ˈnu.mɪ.ɾʊ] (AFI)

Substantivo masculino

número (sg: número; pl: números)

1. (Matemáticas) Entidade abstracta que representa unha cantidade.
   • Exemplo: O concepto de número probabelmente foi un dos primeiros conceptos matemáticos aprendidos pola humanidade, debido á necesidade de contar.
     
     
2. Signo ou conxunto de signos que representa este concepto.
   • Exemplo: Escribín o número 3 no caderno.
     
     
   • Sinónimos: algarismo, cifra.
3. Un destes signos ou conxunto de signos que se utiliza para caracterizar unha cousa dentro dun conxunto ou para clasificala nunha serie.
   • Exemplo: Vivo no número dous.
     
     
   • Exemplo: Tes que darme o teu número de teléfono.
     
     
4. Cantidade.
   • Exemplo: Esta fin de semana houbo un alto número de accidentes.
     
     
5. Cada unha das edicións dunha publicación periódica.
   • Exemplo: No último número de Nature vén un artigo seu.
     
     
6. Cada unha das partes dun espectáculo.
   • Exemplo: A función inclúe varios números musicais.
     
     
7. Posición, categoría, ou clase de persoas ou cousas.
   • Exemplo: Sacou o número un na oposición.
     
     
8. Cantidade de elementos dunha clase.
   • Exemplo: O número de asistentes á manifestación foi baixo.
     
     
9. Billete de lotaría ou outro sorteo.
   • Exemplo: Xogo catro números no sorteo de Nadal.
     
     
10. (Gramática) Categoría gramatical que permite expresar a oposición entre o singular e o plural, mediante marcas morfolóxicas propias, e que afecta a substantivos, pronomes, artigos, adxectivos e verbos.
11. Membro sen graduación da Garda Civil ou doutros corpos armados.
    • Exemplo: Un cabo e catro números.
      
      
12. (Coloquial) Acción indecorosa que se realiza para chamar a atención.
    • Exemplo: Ao ver que non conseguía o seu propósito, montou un número.
      
      

Termos relacionados

Termos compostos

en números redondos en números vermellos facer números montar un número número arábigo número atómico número áureo número cardinal número CAS número complexo número de Avogradro número de Euler número de Fermat

número de identificación persoal número de Mach número de onda número de Péclet número de Prandtl número de Reynolds número de Schmidt número decimal número enteiro número fraccionario número imaxinario número impar número irracional

número másico número natural número negativo número ordinal número par número pi número positivo número primo número quebrado número racional número real número romano número un

Traducións

• Alemán: Zahl ^(de) (numeración); Numerus ^(de) (gramatical).
• Aragonés: número ^(an).
• Asturiano: númberu ^(ast)
• Bretón: niver ^(br)
• Castelán: número ^(es).
• Catalán: número ^(ca), nombre ^(ca).
• Francés: nombre ^(fr).
• Inglés: number ^(en).
• Italiano: numero ^(it).
• Portugués: número ^(pt).
• Romanés: număr ^(ro).
• Vasco: zenbaki ^(eu)

Aragonés

• Etimoloxía: do latín numerus, -is.

Substantivo masculino

número

1. Número.

Castelán

• Etimoloxía: do latín numerus, -is.

Substantivo masculino

número (sg: número; pl: números)

1. Número.

Catalán

• Etimoloxía: do latín numerus, -is.

Substantivo masculino

número (sg: número; pl: números)

1. Número.

Portugués

• Etimoloxía: do latín numerus, -is.

Substantivo masculino

número (sg: número; pl: números)

1. Número.