rematar

Galego

• Etimoloxía: composto de re- e matar, do galego-portugués rematar.

• Pronuncia: /remaˈtaɾ/ (AFI)

Verbo intransitivo

rematar

1. Chegar [algo] á súa fin.
   • Exemplo: Rematou o período de inscrición, ata o ano que ven non poderás presentarte.
     
     
   • Sinónimos: acabar, acabarse, concluír, finalizar, terminar.
   • Antónimos: comezar, empezar, principiar.
2. (Deportes) Tirar directamente á portaría o balón tras recibilo doutro xogador.
   • Exemplo: Disque os xogadores recibían unha prima por rematar de cabeza, o fútbol éche todo espectáculo.
     
     

Traducións

• Castelán: (1) acabar ^(es), acabarse ^(es).

Verbo transitivo

rematar

1. Acadar o fin de [algo que se estaba realizando].
   • Exemplo: Rematou a entrevista de traballo nunha empresa e foi directamente a outra entrevista.
     
     
   • Sinónimos: acabar, concluír, dar cabo, finalizar, terminar.
   • Antónimos: comezar, empezar, encetar, iniciar, principiar.
2. Acabar coa vida de [alguén que está agonizando].
   • Exemplo: O can estaba sufrindo moito, rematalo foi un acto de piedade.
     
     
   • Sinónimos: dar cabo.
3. Facer ou poñer un remate en [algo].
   • Exemplo: A saia rematárana nun fucsia que lle daba unhas notas de vida ao rosa pálido do resto do tecido.
     
     
4. Deixar ben suxeitos e recortados os fíos de [unha costura ou peza de roupa].
   • Exemplo: Merquei un xersei que resultou ter unha manga mal rematada, e abríuseme toda.
     
     

Traducións

• Castelán: (1) acabar ^(es), rematar ^(es).
• Francés: terminer ^(fr), finir ^(fr), achever ^(fr).
• Inglés: finish ^(en), finish off ^(en)
• Portugués: rematar ^(pt)

Conxugación

Verbo regular da 1ª conxugación    

Formas impersoais

Infinitivo	rematar
Xerundio	rematando
Participio	rematado, rematada, rematados, rematadas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	remato	rematas	remata	rematamos	rematades	rematan
	Copretérito	remataba	rematabas	remataba	rematabamos	rematabades	remataban
	Pretérito	rematei	remataches	rematou	rematamos	rematastes	remataron
	Antepretérito	rematara	remataras	rematara	remataramos	rematarades	remataran
	Futuro	rematarei	rematarás	rematará	remataremos	remataredes	rematarán
	Pospretérito	remataría	rematarías	remataría	rematariamos	rematariades	rematarían
Modo Subxuntivo	Presente	remate	remates	remate	rematemos	rematedes	rematen
	Pretérito	rematase	rematases	rematase	rematásemos	rematásedes	rematasen
	Futuro	rematar	rematares	rematar	rematarmos	rematardes	remataren
Modo Imperativo	Afirmativo		remata	remate1	rematemos	rematade	rematen1
	Negativo		remates	remate1	rematemos	rematedes	rematen1
Infinitivo conxugado		rematar	rematares	rematar	rematarmos	rematardes	remataren

1 Vostede(s)